سياسة الخصوصية

آخر تحديث: 15 أكتوبر 2026. بنكتبها بلغة بسيطة عشان تفهمها من أول مرة.

اللي بنجمعه

بيانات الحساب اللي بتدخلها (الاسم والإيميل)، وتقدّمك في الدروس ونتائج الاختبارات والنجوم والبادجات، وإعدادات التطبيق (زي الوضع الليلي والصوت). حالة اشتراكك بتوصلنا من المتجر، لكن بيانات الدفع نفسها بتفضل عند جوجل بلاي أو آب ستور ومبنشوفهاش.

ليه بنجمعه

عشان نحفظ تقدّمك على أي جهاز، ونرجّعلك المراجعة المناسبة، ونفتحلك الباقة اللي اشتركت فيها، ونحسّن الدروس.

المشاركة

مبنبيعش بياناتك ومفيش إعلانات في التطبيق. بنستعين بخدمات تقنية للتشغيل والاستضافة والدفع، وكل خدمة منهم بتشتغل بالقدر اللازم بس وليها سياستها الخاصة.

الموقع والإعلانات

التطبيق مفيهوش إعلانات. موقعنا ممكن يعرض إعلانات من Google AdSense، وجوجل وشركاؤها بيستخدموا كوكيز ومعرّفات لعرض إعلانات مناسبة. بنطلب موافقتك قبل ما نحمّل أي إعلان، وتقدر تختار إعلانات عامة غير مخصصة. تقدر تتحكم في إعلانات جوجل من adssettings.google.com. الموقع نفسه مبيجمعش أي بيانات شخصية منك ومفيهوش نماذج تسجيل، وموجّه لمن هم 13 سنة فأكتر وليس للأطفال.

مدة الاحتفاظ

بنحتفظ ببياناتك طول ما حسابك موجود. لما تحذف الحساب، بنمسح بياناتك خلال 30 يوم، ما عدا اللي القانون بيلزمنا نحتفظ بيه (زي سجلات الدفع عند المتجر).

السن

التطبيق لمن هم 13 سنة فأكتر. لو عرفنا إن حد أصغر من كده سجّل، هنحذف حسابه.

أمان بياناتك

بننقل البيانات بتشفير، وبنقصّر الوصول ليها على اللي محتاجها فعلاً.

حقوقك

تقدر تطلب نسخة من بياناتك أو تعدّلها أو تحذف حسابك في أي وقت، والتفاصيل في القسم اللي تحت.

لو حصل تغيير

لو أضفنا ميزة بتجمع بيانات جديدة، هنحدّث الصفحة دي قبل ما الميزة تشتغل، وهنوضّح التاريخ فوق.

تواصل معانا

أي سؤال عن الخصوصية، راسلنا على حساباتنا الرسمية @basbousaenglish.